180 يوم الا شوية ساعات دا الوقت اللى فى البعد عنها فات امى وحبيبتى وبلدى اللى فاقت من السبات
مفارقهم انا وبيسالونى قلبى لية مليان اهااات
ياعالم 180 يوم الا شوية ساعات
الهوا اللى جوة صدرى مش هوايا ولا الدمع اللى ساكن عيونى كان يوم جوايا ولا الجرح كان جرحى ولا عمرها كانت كدا الحكاية ولا الفرقة كانت نصيبى ولا النصيب كان بعدى وشقايا
لية
لية يعنى امى اللى السن معاها بياخد مداة وحبيبتى اللى لسا اول مرة من نار الحب تنطق كلمة ااة وبلدى الل فاقت هدت سور الظالم بناة ابقى عنهم بعيد ممزوجة دمعتى بالاااااة
3 ثورات
ثار العمر على امى والصحة مش تمام وثار الحب لاول مرة فى قلب حبيبتى ثورة الختام وثارت بلدى اللى كانت قربت تنسى ازاى نطير سرب الحمام
لاعارف لامى ابقى سند ولا فى قلب حبيبتى زرعت بالقرب للحب وتد ولا صرخت مع اللى صرخوا يوم ما البلد خلفت الولد
180 يوم الا شوية ساعات
ليست هناك تعليقات:
إرسال تعليق